Bizimlə əlaqə | Reklam
BolgeXeber.Com » Gündəm » TQDK imtahan nəticələrini açıqladı

TQDK imtahan nəticələrini açıqladı

3-07-2014, 17:00
Oxunub: 4 231 "Azərbaycan dili" fənnindən imtahan verən rus bölməsi abituriyentlərinin nəticələri elan olunub

Tələbə Qəbulu üzrə Dövlət Komissiyasına (TQDK) istinadla verilən məlumata görə, 2014-cü il iyulun 3-də Bakı şəhərində rus bölməsi abituriyentləri üçün “Azərbaycan dili” fənnindən imtahan keçirib.

İmtahanın nəticələri həmin gün – iyulun 3-də TQDK-nın internet saytında yerləşdirilib. İmtahanda iştirak etmiş abituriyentlər Komissiyanın internet saytı vasitəsilə nəticələri haqqında məlumatla, habelə cavab kartının qrafik təsviri ilə tanış ola bilərlər.

Abituriyentlər imtahanın nəticələri haqqında məlumatı həmçinin mobil telefonla şagird kodunu 7727 nömrəsinə göndərməklə öyrənə bilərlər.

İmtahanda iştirakı nəzərdə tutulan 1216 abituriyentdən 528 nəfəri imtahana gəlməyib. İmtahanda iştirak etmiş 688 abituriyentdən 474 nəfəri tələb olunan müsabiqə şərtini ödəyərək “məqbul” qiyməti alıb.

“Azərbaycan dili” fənnindən məqbul qiyməti almayan rus bölməsinin abituriyentləri 2014/2015-ci tədris ili üçün Azərbaycan Respublikasının ali təhsil müəssisələrinə və tam orta təhsil bazasından (11 illik) orta ixtisas təhsili müəssisələrinə keçiriləcək qəbul imtahanlarında iştirak etmək hüququnu itirirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]