Azərbaycan elminə ağır itki üz verdi
4-07-2014, 16:15
Oxunub: 2 959
Professor Ağaddin Niftiyev vəfat edib.Azərbaycan elminə ağır itki üz verib. BDU-nun şöbə müdiri və Böyük Elmi Şurasının üzvü, professor Ağaddin Niftiyev 57 yaşında dünyasını dəyişib.
Ağaddin Aslan oğlu Niftiyev 28 oktyabr 1957-ci ildə Masallı rayonunun Gəyəçöl kəndində anadan olub. 1975-ci ildə Masallı rayon Gəyəçöl kənd orta məktəbini, 1980-ci ildə Bakı Dövlət Universitetinin Tətbiqi Riyaziyyat və Kibernetika Fakültəsini bitirib. 1982-1985-ci illərdə AMEA Kibernetika İnsitutunun aspiranturasında təhsilini davam etdirən Ağaddin Niftiyev əmək fəaliyyətinə elə həmin insitutda proqramçı-mühəndisi kimi başlayıb.
1987-ci ildən Bakı Dövlət Universitetinin müəllimi, baş müəllimi, dossenti, şöbə müdiri vəzifələrində çalışıb. BDU Tətbiqi Riyaziyyat Elmi-Tədqiqat İnsitutu “İqtisadi Sistemlərin Riyazi Modelləşdirilməsi” şöbəsinin müdiri və BDU Böyük Elmi Şurasının üzvüdür. 1986-cı ildə namizədlik, 2006-cı ildə doktorluq dissertasiyasını müdafiə edib və elə həmin ildə professor elmi adına layiq görülüb.
Fransa Xarici İşlər Nazirliyi, Azərbaycan Dövlət Neft Şirkəti və Azərbaycan Respublikası Prezidenti yanında Elmin İnkişafına Dövlət Dəstəyi Fondunun dəstəyilə müxtəlif elmi layihələrin həyata keçirilməsinə rəhbərlik edib. 2008-ci ildə Fransa-Gürcüstan və Azərbaycan riyaziyyatçılarının I beynəlxalq konfransını təşkil edib.
Müqavilə əsasında Fransanın Nant Universitetində professor kimi çalışıb. 10-dan artıq doktorluq, 30-dan artıq namizədlik dissertasiyasına rəhbərlik edib. Elmi məqalələri ABŞ, Almaniya, Fransa, İngiltərə, Avstriya, Rusiya, Türkiyə, İran, Misir, Kanada və digər ölkələrin elmi nəşrlərində dərc edilib.
1992-1993-cü illərdə Masallı rayon İcra Hakimiyyətinin başçısı vəzifəsində çalışıb. Qondarma Talış Muğan Respublikasının Masallını işğal etmək planlarına qarşı mübarizə aparıb, özü və qohumları çoxsaylı işğəncələrə məruz qalıb.
Xatırladaq ki, mərhum tanınmış jurnalist Azər Niftiyev və İKT mütəxəssisi, fəlsəfə doktoru Anar Niftilinin atasıdır. İki ildən artıqdır ki, xərçəng xəstəliyindən əziyyət çəkirdi.
Mərhum öz vəsiyyətinə uyğun olaraq, doğulub boya-başa çatdığı Masallı rayonunun Gəyəçöl kəndində dəfn ediləcək.
Allah Rəhmət Eləsin!
Bolgexeber.com
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
