Bizimlə əlaqə | Reklam
BolgeXeber.Com » Gündəm » Şəmkirdə arvadını öldürən kişiyə cinayət işi açıldı

Şəmkirdə arvadını öldürən kişiyə cinayət işi açıldı

9-07-2014, 16:05
Oxunub: 3 998 Şəmkir rayonunda törədilmiş qətllə bağlı cinayət işi başlayıb.

Baş Prokurorluqdan Bolgexeber.com-a verilən məlumata görə, iyulun 8-də Şəmkir rayonunun Aşağı Seyfəli kənd sakini Qarayev Seyfəddin Eldar oğlunun qeyri-rəsmi ər-arvad münasibətlərində olduğu Bəsti Zeynalovaya odlu silahdan atəş açaraq onu qəsdən öldürməsi ilə bağlı daxil olmuş məlumat əsasında rayon prokurorluğu, rayon Polis Şöbəsinin əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.

Maddi sübutlar, o cümlədən cinayətin aləti olan ov silahı, dolu patronlar və boş gilizlər götürülüb və digər zəruri prosessual hərəkətlər yerinə yetirilib.

Aparılmış təxirəsalınmaz istintaq-əməliyyat tədbirləri nəticəsində müəyyən edilib ki, qeyd edilən tarixdə Seyfəddin Qarayev yaşadığı evin yaxınlığındakı küçədə ailə münaqişəsi zəminində Bəsti Zeynalovaya ov tüfəngindən atəş açaraq onu qəsdən öldürüb. Daha sonra S.Qarayev yaşadığı evə daxil olaraq həmin tüfənglə özünə də bir dəfə atəş açaraq xəsarət yetirib. Ağır bədən xəsarətləri ilə rayon mərkəzi xəstəxanasına yerləşdirilən S.Qarayev həmin gün aldığı xəsarətdən orada ölüb.

Fakta görə rayon prokurorluğunda Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə cinayət işi başlanaraq müvafiq ekspertizalar təyin edilib.

Hazırda iş üzrə istintaq davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]