BolgeXeber.Com » Gündəm » “Baksell”də problem: abonentlər aldadılır

“Baksell”də problem: abonentlər aldadılır

29-07-2014, 13:10

Oxunub: 2 582

“Baksell” abonentlərinin balansını artırmaq üçün lazım olan kart hələ də satışda yoxdur.

Bolgexeber.com axar.az -a istinadən xəbər verir ki, 10 günə yaxındır davam edən bu problemin aradan qaldırılacağı barədə məlumat verilsə də, şirkət balansı artırmaq üçün kart satışını hələ də bərpa etməyib. Bu isə abonentlər üçün ciddi narahatlıq yaradır. “Baksell” istifadəçiləri yalnız paypoint və internet üzərindən ödənişlə balanslarını artıra bilirlər.

“Baksell” məlumat mərkəzindən problemin hansı səbəbdən baş verdiyi barədə heç bir açıqlama verməyiblər. Mərkəz sorğuya cavab olaraq problemin yaranma səbəbinin özlərinə də bəlli olmadığı barədə açıqlama ilə kifayətlənib. Həmçinin şirkət iyulun 27-dən kart satışının bərpa ediləcəyi barədə vədini də yerinə yetirməyib.

“Baksell” məlumat mərkəzindən həmçinin bildirilib ki, şirkətin ictimaiyyətlə əlaqələr şöbəsi bayram günü olduğu üçün işləmir.

Çox Oxunanlar