BolgeXeber.Com » Gündəm » Xaçmaz fermerləri yetişdirdikləri pomidoru sata bilmirlər-Heydər Əsədovun nəzərinə

Xaçmaz fermerləri yetişdirdikləri pomidoru sata bilmirlər-Heydər Əsədovun nəzərinə

29-07-2014, 14:40

Oxunub: 2 345

Xaçmazda on gündür pomidor yığımına start verilib

"Salamnews"-un verdiyi xəbərə görə, ötən illə müqayisədə bu il rayonda pomidorun məhsuldarlığı təqribən 40 faiz artıb.

Məhsulun bolluğu fermerləri bir tərəfdən sevindirsə də, digər tərəfdən qayğılandırır. Onlar əziyyətlə yetişdirdikləri məhsulu sata bilmirlər. Fermerlərin sözlərinə görə, ötən il kiloqramı 40-50 qəpiyə satılan məhsul indi 10 qəpiyə belə alınmır. Bu isə il boyu çəkilən xərcləri ödəmir.

Xaçmazda pomidorun qəbulu ilə məşğul olan cəmi bir emal müəssisəsi fəaliyyət göstərir. Müəssisədən verilən məlumata görə, kloqramı 9 qəpiyə olmaq şərti ilə gündəlik 500 ton məhsul qəbul edilir.

Mütəxxəsislərin fikrincə, problemin tamamilə həlli üçün ölkədə ilk növbədə daxili bazar və bir neçə emal müəssisəsi yaranmalıdır.

Rayon İcra Hakimiyyətindən bildirilib ki, yaxın zamanda bununla bağlı tədbir görüləcək.
Bolgexeber.com

Çox Oxunanlar