Bizimlə əlaqə | Reklam
BolgeXeber.Com » Gündəm » Fəzail Ağamalı nazirlərə xəbərdarlıq etdi

Fəzail Ağamalı nazirlərə xəbərdarlıq etdi

10-11-2011, 10:40
Oxunub: 6 095 Deputat Azərbaycanda məmurların nəticə çıxarmasını tövsiyyə edir

“Azərbaycanda məmur özbaşınalığı, rüşvətxorluq və korrupsiya halları var”. Bu barədə “Yeni Müsavat”a açıqlamasında hakimiyyətyönlü Ana Vətən Partiyasının sədri, deputat Fəzail Ağamalı bildirib.

Ayrı-ayrı məmurların süründürməçiliyinin, öz korporativ maraqlarını önə çəkməsinin vətəndaşlara problem yaratdığını qeyd edən F.Ağamalı qanunları pozan məmurları nöqsanları aradan qaldırmağa çağırdı. “Ölkə prezidenti cənab İlham Əliyev də bütün müşavirələrdə, rəsmi yığıncaqlarda, vətəndaşlarla görüşlər zamanı rüşvətxorluğa, korrupsiyaya qarşı mübarizəni önə çəkib, məmurlara bürokratiyadan uzaq olmaları üçün xəbərdarlıq edib. Prezident dəfələrlə çıxışlarında vəzifəli şəxslərə xəbərdarlıq edib ki, vəzifədən heç kim sui-istifadə etməsin, süründürməçiliyə yol verməsin. Bu yaxınlarda ”Azərbaycan" qəzetində də məmur özbaşınalığı ilə bağlı böyük məqalə dərc olundu. Bu, elə-belə məsələ deyildi. Qanunsuzluğa yol verən məmurlar, özünü hamıdan üstün görən vəzifəli şəxslər həmin məqalədən nəticə çıxarmalıdırlar".

Deputat vurğuladı ki, nə qədər gec deyil, həmin məmurlar nöqsanları aradan qaldırmalıdırlar. Əks halda, dövlət onlara iradəsini göstərəcək.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]