BolgeXeber.Com » Gündəm » Zakir Qaralov Qazaxda vətəndaşları qəbul edəcək

Zakir Qaralov Qazaxda vətəndaşları qəbul edəcək

4-08-2014, 12:50

Oxunub: 3 050

Elektron poçt ünvanı vasitəsilə də qəbula yazılmaq olar

Bolgexeber.com bildirir ki, Azərbaycan Respublikasının baş prokuroru Zakir Qaralov avqustun 15-də saat 11:00-da Qazax rayon Prokurorluğunun inzibati binasında Qazax, Ağstafa, Tovuz, Şəmkir və Gədəbəy rayonlarında yaşayan vətəndaşları qəbul edəcək. Baş Prokurorluğun mətbuat xidmətindən APA-ya verilən məlumata görə, qəbula gəlmək istəyən vətəndaşların qeydiyyatı və Qazax rayonuna gəlmələrinin təşkili müvafiq rayon prokurorları tərəfindən həyata keçiriləcək.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Müraciətlərə baxılması idarəsinin 437-28-79 nömrəli telefonu və [email protected] elektron poçt ünvanı vasitəsilə də qəbula yazıla bilərlər.
Bolgexeber.com

Çox Oxunanlar