Bizimlə əlaqə | Reklam
BolgeXeber.Com » Gündəm » Yaşayış minimumu: - kimin üçün necə?

Yaşayış minimumu: - kimin üçün necə?

8-08-2014, 17:00
Oxunub: 3 100 Əmək qabiliyyətlilər üçün 119 manat, pensiyaçılar üçün 89 manat



Ölkəmizin bəzi iqtisadçıları normativlər əsasında avqust ayı üzrə minimum istehlak səbətinin dəyərini hesablayıb. Həmin hesablamalara əsasən, ay ərzində Azərbaycanda əmək qabiliyyətli əhali üçün adambaşına minimum istehlak səbətinin dəyəri 166,70 manat, pensiyaçılar üçün 150,74 manat, 0-14 yaşlı uşaqlar üçünsə 205,04 manat təşkil edib. Qeyd edək ki, ötən ay əmək qabiliyyətli əhali adambaşına ərzağa minimum 103,84 manat, pensiyaçılar 93,97 manat, 0-14 yaşlı uşaqların valideynləri isə 115,35 manat xərcləməli olub. Ay ərzində bazardakı qiymətlərlə əhalinin qeyri-ərzaq məhsullarına çəkdiyi minimum xərcləri işləyən əhali üçün 41,86 manat, pensiyaçılar üçün 39,06 manat, 0-14 yaşlı uşaqlar üçün 74,79 manat, xidmət xərcləri isə müvafiq olaraq 25,48 manat, 22,61 manat və 17,73 manat təşkil edib.

Xatırladaq ki, "Azərbaycan Respublikasında 2014-cü il üçün yaşayış minimumu haqqında" Qanun əsasında ölkədə 2014-cü il üçün yaşayış minimumu 100 manat, əmək qabiliyyətli əhali üçün 119 manat, pensiyaçılar üçün 89 manat, uşaqlar üçün 91 manat məbləğində müəyyən olunub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]