BolgeXeber.Com » Gündəm » Tərtərin Evoğlu kəndində səyyar görüş keçirilmişdir

Tərtərin Evoğlu kəndində səyyar görüş keçirilmişdir

26-08-2014, 17:25

Oxunub: 2 363

Tərtər Rayon İcra Hakimiyyətinin Başçısı Müstəqim Məmmədov rayonun Evoğlu kəndində növbəti səyyar qəbul-görüş keçirmişdir

Qəbulda rayon icra hakimiyyəti aparatının məsul işçiləri, hüquq mühafizə orqanları, idarə, müəssisə və təşkilat rəhbərləri, KİV nümayəndələri və kənd sakinləri iştirak etmişlər.

Tədbirdə iştirak edən kənd sakinlərindən kənd ağsaqqalı Eldəniz Əliyev, Teyyub Kərimov, Nübar Kərimova, Qurban Səfərəliyev, Şamama Hüseynova, Etibar Məhərrəmov, İsrail Hacıyev, Yaqub Cavadov, Təvəkkül Məhərrəmov, Mobil Əliyev, Starə Qurbanova, Qabil Bayramov, Cabbar Məhəmmədov, Xasay Sadıqov və digərləri çıxış edərək rayonda və kəndlərində aparılan abadlıq-quruculuq işlərindən danışmaqla yanaşı, kənddə qazın çəkilməsi, əkin sahələrinin suvarılması üçün yeni subartezian quyularının qazılması, köhnəlimiş işıq dirəklərinin və naqillərin yenisi ilə əvəz edilməsi, kənd yoluna asfalt örtüyün salınması və digər sakinləri narahat edən məsələlər barədə də təkliflər irəli sürdülər.

Səyyar görüşdə sakinlərin onları narahat edən məsələlərlə bağlı müraciətlərini diqqətlə dinləyən rayon icra hakimiyyətinin başçısı Müstəqim Məmmədov qaldırılan məsələlərə aydınlıq gətirdi. Sakinlər tərəfindən qaldırılan məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verildi və onların həlli RİH rəhbərliyi tərəfindən nəzarətə götürüldü.

Rayon ərazisində aparılan abadlıq-quruculuq, yenidənqurma işlərinə görə sakinlər ölkə başçısına öz minnətdarlıqlarını bildirdilər.

Bolgexeber.com

Çox Oxunanlar