BolgeXeber.Com » Gündəm » “Dondurma bazarında təhlükəli vəziyyət hökm sürür” -Ekspert həyəcan təbili çaldı

“Dondurma bazarında təhlükəli vəziyyət hökm sürür” -Ekspert həyəcan təbili çaldı

29-08-2014, 09:35

Oxunub: 3 119

Yayın bu isti, nəfəskəsən vaxtında çoxlarımız sərinlənmək üçün soyuq sulardan, dondurmadan istifadə edir, bu yolla yayın boğanağını canımızdan çıxarmağa çalışırıq.

Bəs görəsən gündəlik qida rasionumuza daxil etdiyimiz dondurma bizə nə verir? Qısa müddətə rahatlıq tapdığımız dondurma sağlamlığımıza hər hansı təhlükə törədirmi?

Editor.az-a danışan Azad İstehlakçılar Birliyinin (AİB) sədri Eyyub Hüseynov deyir ki, bəzən dondurmalar aylarla saxlanılır ki, bu da insan sağlamlığı üçün təhlükəlidir: “Digər sahələrdə olduğu kimi, dondurma bazarında da təhlükəli vəziyyət hökm sürür. Dondurma istehsalı ilə məşğul olan şirkətlərin əksəriyyəti müvafiq normalara riayət etmir. Onlar yayın gəlişini fürsət bilərək, daha artıq pul qazanmağa çalışır ki, bu zaman istehlakçı ümumiyyətlə yada düşmür. Bəzən kərə yağlarına vaxtı keçmiş bitki yağı qarışdırılır ki, bu da insan orqanizmi üçün olduqca təhlükəlidir. Bir də görürüsən aldığın dondurma acı dad verir. Bu birbaşa onun göstəricisidir ki, həmin dondurmaya marqarin qatılıb. Bu baxımdan istehlakçılar dondurma alarkən ehtiyatlı olmalı, məhsulun keyfiyyətinə əmin olduqdan sonra dondurma məhsullarını almalıdırlar”.

Çox Oxunanlar