Bizimlə əlaqə | Reklam
BolgeXeber.Com » Gündəm » “Lotu Quli” iki azərbaycanlıya skaypla tac verdi

“Lotu Quli” iki azərbaycanlıya skaypla tac verdi

2-09-2014, 12:00
Oxunub: 4 664 Bu yaxınlarda Türkiyədə oğru dünyasının böyük “sxodka”sı keçirilib və orada eyni vaxtda iki azərbaycanlıya “qanuni oğru” (“vor v zakone”) titulu verilib

Virtualaz.org saytı Rusiyanın “Praym kraym” portalına istinadən xəbər verir ki, bu tacqoyma mərasimi kriminal aləmdə “Lotu Quli” kimi məşhur olan azərbaycanlı “qanuni oğru” Nadir Səlifovun ad günü münasibətilə təşkil olunub.

Qonaqları “Lotu Quli”nin ad günü tədbirinə onun kiçik qardaşı Namiq Səlifov dəvət edib. 1996-cı ildən indiyədək Bakının 8 saylı cəzaçəkmə müəssisəsində cəza çəkən “Lotu Quli” isə təbrikləri skayp vasitəsilə qəbul edib.

“Lotu Quli”nin təklifinə əsasən onun yaxın ətrafına daxil olan iki nəfərə - Rafət Əlibayramlinski və Ceyhun Gəncinskiyə “qanuni oğru” titulu verilib. Xəbərdə deyilir ki, böyük “oğru yığıncağı”nın iştirakçılarının çoxu Nadir Səlifovla münasibətlərini korlamamaq üçün buna etiraz etməyiblər və “yeni qardaşlar”la bağlı qərarı qəbul ediblər. Amma onlar tacqoymada iştirak da etməyiblər.

Məlumatda o da deyilir ki, Rafət Əlibayramlinski və Ceyhun Gəncinskiyə “qanuni oğru” adı verilməsi bilavasitə “Lotu Quli”nin təklifi əsasında, habelə onun qardaşı Namiq Səlifovun, Arif Sumqayıtskinin (Arif Mehdiyev), Yunus Yasamalskinin (Yunus Nəzərov), gürcü “qanuni oğrular” Merab Pipiya, Qoçi Rustavski və Qaqralı Nikinin xeyir-duası ilə baş tutub. Qaqaralı Niki öz razılığını telefon vasitəsilə çatdırıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]