Bizimlə əlaqə | Reklam
BolgeXeber.Com » Gündəm » İpoteka kreditlərindən kimlər yararlanır?

İpoteka kreditlərindən kimlər yararlanır?

3-09-2014, 10:00
Oxunub: 2 739 Azərbaycanda dövlət xətti ilə ipoteka krediti alan hər 10 nəfərdən 8-i dövlət sektorunda, neft-qaz şirkətlərində və bank sahəsində çalışanlardır

Bolgexeber.com xəbər verir ki, bu barədə Azərbaycan İpoteka Fondundan (AİF) bildirilib. Belə ki, fondun məlumatına görə, indiyədək ipoteka krediti götürən borcalanların 38,9%-i dövlət xidmətində, 16,2%-i neft-qaz sektorunda, 22,1%-i bank sektorunda və yalnız 22,7%-i digər özəl sektorlarda çalışanlardır.
Bundan başqa, ipoteka krediti alan hər 10 nəfərdən 9-nun aylıq gəliri 500 manatdan artıqdır. Belə ki, ipoteka krediti alanların 18,8%-nin aylıq gəliri 500-700 manat, 21,7%-nin aylıq gəliri 700-900 manat, 16,6%-nin aylıq gəliri 900-1100 manat arasında, 35,9%-nin aylıq gəliri isə 1100 manatdan çoxdur. Fondun məlumatlarına görə, borcalanların cəmi 7%-i aylıq gəliri 500 manat qədər olanlardır. Dövlət xətti ilə ipoteka götüənlər arasında aylıq gəlir 300 manatdan az olanlar da var. Belələri cəmi 1%-dir.
İpoteka krediti götürənlərin ailə vəziyyətinə gəlincə, gözlənildiyi kimi, əksəriyyət evlilərdir. Fondun məlumatına görə, borcalanların 67,3%-i evlilər, 32,7%-i subaylardır. Digər tərəfdən, kredit alanların 82%-i kişilər, cəmi 18%-i qadınlardır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]