Bizimlə əlaqə | Reklam
BolgeXeber.Com » Gündəm » Saytımız təhdid olundu

Saytımız təhdid olundu

29-11-2011, 12:50
Oxunub: 6 475 Zabit Rəşid Kərimovun adından danışan şəxs əməkdaşlarımızı güllələyəcəyini deyib

Tərtərdə yerləşən N saylı hərbi hissənin əsgəri Anar Bəşirovun döyülməsi və işgəncələrə məruz qalması ilə bağlı cinayət işi qaldırılıb. Bu barədə Bölgexeber.com-a Hərbi Prokurorluqdakı mənbə məlumat verib.

Həmin məlumatda deyilir ki, Müdafiə Nazirliyinin tərkibindəki Birinci Təhqiqat İdarəsi əsgər Anar Bəşirova işgəncə verən və döyən zabitlər barəsində cinayət işi başladılıb və ilkin istintaq aparılır. Hərbi Prokurorluğun mətbuat xidmətindən isə bildirilib ki, MN-in Birinci Təhqiqat İdarəsinin apardığı araşdırmadan sonra cinayət işi onlara göndəriləcək.

Bu əsnada Bolgexeber.com-un əməkdaşları təhdidə məruz qalıblar. Belə ki, əsgər Anar Bəhirova işgəncələr verən zabit Rəşid Kərimovun adından danışan bir nəfər şəxs redaksiyamıza zəng edərək, bu xəbəri yaydığımız üçün təhdid edib. Dəstəyin o biri başındakı şəxs bildirib ki, məlumatı yaydığımıza görə o, redaksiya üzvlərini güllələyəcək.

Xatırladaq ki, baş vermiş hadisə ilə bağlı əsgər Anar Bəşirovun atası, Ağsu rayon sakini Hafiz Bəşirov redaksiyamıza məlumat verib. O bildirib ki, N saylı hərbi hissənin zabiti Rəşid Kərimov və daha bir zabit onun oğluna işgəncələr verərək, döyüblər. Belə ki, onlar əsgərin ağzına cib dəftərçəsini soxaraq, onu yandırıblar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]