Bizimlə əlaqə | Reklam
BolgeXeber.Com » Gündəm » “İmam Xomeyni” məscidinin axundu həbs edilib

“İmam Xomeyni” məscidinin axundu həbs edilib

29-11-2011, 12:55
Oxunub: 6 792 Vergidən yayınma ilə ittiham olunan Hacı Məsim Novruzov “İslam-azeri.az”ın baş redaktoru Ramin Bayramovun qayınatasıdır

Bülbülə qəsəbəsində yerləşən “İmam Xomeyni” məscidinin icma rəhbəri Hacı Məsim Novruzov həbs olunub. Suraxanı Rayon Məhkəməsindən verilən məlumata görə, o, vergidən yayınma ittihamı ilə saxlanıb.

İttihama görə, Məsim Dəmir oğlu Novruzov Cinayət Məcəlləsinin 213.1-ci (xeyli miqdarda vergiləri və ya məcburi dövlət sosial sığorta haqlarını ödəməkdən yayınma) və 310-cu (özbaşına özünün vəzifəli şəxs kimi təqdim edilməsi və ya vəzifəli şəxsin səlahiyyətlərinin mənimsənilməsi ilə əlaqədar fiziki və ya hüquqi şəxslərin hüquqlarının və qanuni mənafelərinin əhəmiyyətli dərəcədə pozulmasına səbəb olan hərəkətlər törətmə) maddələri ilə təqsirləndirilib.

Birinci məhkəmə instansiyasının hökmündən apellyasiya şikayəti verilib. Apellyasiya Məhkəməsi hökmü dəyişdirib və 2 il azadlıqdan məhrumetmə cəzası təyin edib.

Məsim Novruzov “Cəfəri” heyətinin rəhbəri Hacı Abgül Süleymanovun və “İslam-azeri.az” internet qəzetinin baş redaktoru Ramin Bayramovun qayınatasıdır. Onlar Azərbaycana qarşı düşmənçilik fəaliyyəti aparmaqda, xarici dövlətə və onun nümayəndələrinə kömək etməkdə, eləcə də ölkədə iğtişaşların törədilməsində, ictimai təhlükəsizliyin pozulmasında, insanların itaətsizliyə təhrik edilməsində şübhəli bilinərək həbs ediliblər. Keçirilmiş baxışlar nəticəsində hər iki şəxsdən narkotik maddələr aşkarlanaraq götürülüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]