BolgeXeber.Com » Gündəm » Bu gün bələdiyyə seçkiləridir

Bu gün bələdiyyə seçkiləridir

30-11-2011, 10:10

Oxunub: 4 857

Bələdiyyə seçkiləri ilə əlaqədar 1169 məntəqə yaradılıb

Noyabrın 30-na təyin olunmuş bələdiyyə seçkiləri ilə əlaqədar qeydə alınmış namizədlərin 305 nəfəri (19,69%) qadındır. Namizədlərin 673 nəfəri (43,45%) ali, 605 nəfəri (39,06%) orta, 265 nəfəri (17,11%) orta ixtisas, 6 nəfəri isə (0,38%) natamam ali təhsillidir.

Bu barədə Mərkəzi Seçki Komissiyasının (MSK) sədri Məzahir Pənahov məlumat verib. Onun sözlərinə görə, 30 noyabr seçkiləri ilə əlaqədar 1169 seçki məntəqəsi yaradılıb.

Seçkidə 9 siyasi partiyanın üzvü olan namizədlər qeydə alınıb. Bunlar Yeni Azərbaycan, Ana Vətən, Vətəndaş Həmrəyliyi, Ümid, Azərbaycan Sosial Rifah, Bütöv Azərbaycan Xalq Cəbhəsi, Böyük Quruluş, Vətəndaş Birliyi və Demokratik İslahatlar partiyalarıdır. Seçkiyə qatılanlardan 709 nəfər bitərəfdir.

Xatırladaq ki, Azərbaycanda sonuncu bələdiyyə seçkisi 2009-cu il dekabrın 23-də keçirilib.

Çox Oxunanlar