Bizimlə əlaqə | Reklam
BolgeXeber.Com » Gündəm » 2011: 300 bədbəxt hadisə, 83 ölüm

2011: 300 bədbəxt hadisə, 83 ölüm

30-11-2011, 11:30
Oxunub: 6 441 Azərbaycanda bu ilin 10 ayı ərzində iş yerlərində baş vermiş bədbəxt hadisələrin sayı əvvəlki illərlə müqayisədə nəzərəçarpacaq dərəcədə artıb.

“APA-ECONOMICS”-in xəbərinə görə, bu barədə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəis müavini Rauf Tağıyev bildirib. R. Tağıyev deyib ki, ötən ilin müvafiq dövrü ilə müqayisədə bu say 73 hal artıb.

Onun sözlərinə görə, bu halların qarşısının alınması üçün Dövlət Əmək Müfəttişliyi sosial tərəfdaşlarla, yəni həmkarlar ittifaqları, sahibkarlar konfederasiyası ilə birgə tez-tez tədbirlər keçirir. R. Tağıyev qeyd edib ki, iş yerlərində bədbəxt hadisələrin sayının çoxluğu işə götürənlərin iş yerlərində əməyin mühafizəsi, sağlamlıq və təhlükəsizlik qaydaları yaradılması tədbirlərinə laqeyd münasibət göstərməsi nəticəsində baş verir.

Nazirlik rəsmisi bu ilin 10 ayı ərzində 300-ə qədər bədbəxt hadisə baş verdiyini, Nəticədə 83 nəfərin dünyasını dəyişdiyini bildirib: “Bu hallar ən çox tikinti və neft sektorunda baş verib. Təkcə 7 nəfər daş karxanasında ölüb. Karxanalarda fəhlələr kombayna düşüblər. Biz bir neçə daş karxanasında həmin kombaynların fəaliyyətini dayandırmışıq”.

R. Tağıyev iş yerlərində baş vermiş bədbəxt hadisələrlə bağlı prokurorluq orqanlarında da araşdırmalar aparıldığını, həbs tədbirlərinin görülməsini istisna etmədiyini qeyd edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]