Bizimlə əlaqə | Reklam
BolgeXeber.Com » Gündəm » Külək Bakını dağıtdı, Meriya xəbər tutmadı

Külək Bakını dağıtdı, Meriya xəbər tutmadı

20-10-2014, 11:00
Oxunub: 4 050 Bak meriyasından problemlə bağlı heç bir müraciət olmadığını bildirirlər

Bakıda güclü külək bir çox fəsadlar törədib.

Paytaxtda orta məktəb, yaşayış binaları zərər görüb. Bəzi yaşayış evləri və obyektlərin damları, şüşələri sınıb. Bəzi yerlərdə ağaclar aşab.

Problemlərdən biri də Salatın Əsgərova küçəsində baş verib. Güclü külək 4-mərtəbəli binanın damını qoparıb.

Paytaxtda yağan yağış nəticəsində isə bəzi yerlərdə kanalizasiya sistemləri dolaraq daşıb. Bir çox rayonların ərazisində yollar su ilə dolub.

Bundan əlavə hüclü külək paytaxtda elektrik enerjisinin verilişində də problemlər yaradıb. Bəzi ərazilərdə işıqlar sönüb.

Məsələ ilə əlaqədar Bakı şəhər İcra Hakimiyyətilə əlaqə saxladıq. Bakı Meriyasından bildirdilər ki, qurumun "qaynar xətti"nə heç bir şikayət daxil olmayıb.

Bakı Şəhər İcra Hakimiyyətinin Mənzil-Kommunal Təsərrüfatı Departamentinin direktor köməkçisi Sabit Hüseynovun verdiyi məlumata görə, hər hansı problem yaranarsa həmin ərazinin yerləşdiyi quruma müraciət olunur. Qurum rəsmisinin sözlərinə görə, hələlik onlara heç bir müraciət daxil olmayıb.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]