BolgeXeber.Com » Gündəm » Azərbaycanda minimum əməkhaqqı artırıldı

Azərbaycanda minimum əməkhaqqı artırıldı

1-12-2011, 21:20

Oxunub: 5 823

Prezident minimum əməkhaqqının 93.4 manat olması barədə sərəncam verdi

Prezident İlham Əliyev Azərbaycanda minimum əməkhaqqının artırılması ilə bağlı sərəncam imzalayıb. Bolgexeber.com prezidentin rəsmi saytına istinadən xəbər verir ki, İ. Əliyev Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasında əhalinin maddi rifahını daha da yaxşılaşdırmaq və sosial müdafiəsini gücləndirmək məqsədi ilə qərara alıb:

1. Minimum aylıq əməkhaqqının məbləği 2011-ci il dekabrın 1-dən 10 faiz artırılaraq 93,5 manat müəyyən edilsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

3. “Minimum aylıq əməkhaqqının artırılması haqqında” Azərbaycan Respublikası Prezidentinin 2010-cu il 31 avqust tarixli 1078 nömrəli Sərəncamı (3-cü hissə istisna olmaqla) ləğv edilsin.

Qeyd edək ki, Azərbaycanda minimum əməkhaqqı 85 manat olub.

Çox Oxunanlar