BolgeXeber.Com » Gündəm » Tikilməkdə olan park-bulvar bərdəlilərin ən sevimli istirahət guşəsinə çevriləcək-FOTO

Tikilməkdə olan park-bulvar bərdəlilərin ən sevimli istirahət guşəsinə çevriləcək-FOTO

30-10-2014, 20:30

Oxunub: 2 659

Bərdə şəhərində, Tərtər çayının sahilində inşa edilən Heydər Əliyev adına park-bulvar ölkənin regionlarında salınmış ən böyük mədəniyyət və istirahət mərkəzlərindən biri olacaq. 40 hektar sahəni əhatə edən park-bulvarda ümummilli lider Heydər Əliyevin abidəsi ucaldılıb, milli memarlıq üslubunda giriş qapısı, idman meydançası, 1000 yerlik yay klubu, uşaq əyləncə mərkəzi, ana-uşaq kafesi, çay evi, yay kinoteatrı, inzibati bina, 6 istirahət köşkü, avtomobil dayanacağı, 16 fontan, 2 süni göl, VII əsrə aid tarixi körpünü seyr etmək üçün asma körpü inşa edilib, yaşıllıqlar salınıb.
Parkda tansformator binası tikilib, suvarma üçün subartezian quyusu qazılıb, işıqlandırılma dirəkləri quraşdırılıb. Tərtər çayının sağ sahilində süni təpə massivi yaradılıb, park-bulvarın çayın sel-sularından qorunması, həmçinin tarixi körpünün mühafizəsi üçün sahilbərkitmə işləri aparılıb.
Hazırda park-bulvarda tamamlanma işləri aparılır. Heydər Əliyev adına park-bulvar istifadəyə verildikdən sonra bərdəlilərin və şəhərin qonaqlarının ən sevimli istirahət guşəsinə çevriləcəkdir.
Bolgexeber.com

Çox Oxunanlar