Bizimlə əlaqə | Reklam
BolgeXeber.Com » Gündəm » İŞİD bu həftə İraqda 200 adam qətlə yetirib

İŞİD bu həftə İraqda 200 adam qətlə yetirib

31-10-2014, 10:30
Oxunub: 2 702 İraq rəsmiləri İŞİD tərəfindən bu həftə 200 adamın qətlə yetiriliyini bildirib

Öldürülənlərin 150-nin Əlbu Nimr şünni müsəlman tayfasının üzvü olduğunu deyilir.

Onların cəsədləri Ramadidə kütləvi məzarda aşkar edilib. Digər 70 nəfərin isə Hit şəhəri yaxınlığında öldürüldüyü bildirilir.

Amerikanın insan haqları qrupu isə cihadçıların iyun ayında 600 məhbusu güllələdiyni bildirib.

Human Rights Watchun məlumatına görə, məhbuslar Badouş həbsxanasında öldürülüb.

Suriya fəallarının bildirdiyinə görə, İŞİD yaraqlıları ilə mübarizədə Suriyadaki kürdlərə yardım üçün gələn ilk dəstə Kobaniyə çatıb. Baş qərargahı Britaniyada yerləşən İnsan Haqlarının Müşahidəsi Qrupu İraq Kürdüstanının Peşmərqə dəstəsindən 10 nəfərin bu gün artıq Türkiyədən keçərək Kobaniyə daxil olduğunu bildirib.

Türkiyə hökuməti keçən həftə İraqın Kürdüstan regionundan 150 nəfərdən ibarət döyüşçünün öz ərazisindən Suriyaya keçməsinə razılıq verib.

Çərşənbə günü də Türkiyənin cənub-şərq bölgəsindəki aeroporta düşən İraqın 50 nəfərə qədər kürd döyüşçüsü Türkiyənin təhlükəsizlik qüvvələrinin müşayiəti ilə Suriya sərhədinə aparılıb ("Amerikanın səsi").
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]