BolgeXeber.Com » Gündəm » Sumqayıtda növbəti "yaşıl soyqırım" həyəcanı

Sumqayıtda növbəti "yaşıl soyqırım" həyəcanı

1-11-2014, 14:40

Oxunub: 2 037

Sumqayıt şəhər sakinləri ağacların qırılaraq yerində tikinti aparılacağından narahatdırlar

Sakinlərin qaynar xəttə etdikləri şikayətdə bildiriblr ki, Sumqayıt şəhər 14-cü məhəllə adlanan ərazidə, küçə 5/382 və 5 A ünvanlarında yerləşən binaların həyətlərindəki ağacları qırmaq istəyirlər.

Sakinlərin sözlərinə görə, naməlum şəxslər həyətə bir neçə maşın daş töküblər. Orada qaraj və obyektlər tikmək istəyirlər. Həmçinin o da bildirilir ki, bunun üçün həyətdə olan bir neçə ağacın kəsilməsi planlaşdırılır.

Məsələyə aydınlıq gətirmək üçün Sumqayıt şəhər İcra Hakimiyyətilə əlaqə sxladıq. İcra başçısının sosial-iqtisadi məsələlər üzrə müavini Sahib Quliyevin ans-ə bildirdi ki, məsələ barədə xəbərsizdirlər.

“Düzü bu barədə bizə heç bir məlumat verilməyib. İndi deyilən ünvana əməkdaşlarımız göndəriləcək. Məsələ araşdırılacaq”, - deyə Sahib Quliyev bildirib.

Daha sonra Ekologiya və Təbii Sərvətlər Nazirliyilə əlaqə saxladıq. Nazirliyin mətbuat xidmətinin rəhbəri İradə İbrahimova bildridi ki, məsələ araşdırılacaq.

“Dediyiniz ünvana əməkdaşlarımız göndərəcəyik. Əgər həqiqətən də ağac kəsimi faktı varsa bunun qarşısı mütləq alınacaq. Günahkarlar barədə rəsmi şəkildə tədbirlər görüləcək”, - deyə İradə İbrahimova bildirib.
Bolgexeber.com.

Çox Oxunanlar