BolgeXeber.Com » Gündəm » Bank borcu olan vətəndaşın evini dağıtdı - Foto

Bank borcu olan vətəndaşın evini dağıtdı - Foto

6-11-2014, 16:05

Oxunub: 2 503

Bankdan götürdüyü pulu vaxtında geri qaytara bilmədiyi üçün bank işçiləri vətəndaşın evini dağıdaraq yaşanmaz hala salıblar.

Axar.az xəbər verir ki, bu haqda məlumatı Feysbuk sosial şəbəkəsinin Sancaq səhifəsinin adminləri paylaşıb. Məlumata görə, Sumqayıtda bir ailə Qafqaz İnkişaf Bankından 8 min manat kredit götürüb və vaxtında pulu ödəyə bilmədiyi üçün bank işçiləri zorla vətəndaşın evinə girərək ailə üzvlərini küçəyə atıb, bütün mənzili dağıdıblar.

Sancaq səhifəsi deyilənləri sübut edəcək bir foto da paylaşaraq yazıb:

“Mənzil sahibləri banka olan borclarını ödəmək istədikləri bildirsələr də, bank bunu rədd edərək mənzilin artıq 15.000 manata satıldığını deyir. Bu hadisə həmin binada yaşayan qonşuları şoka salıb. Mənzil sahibləri bununla bağlı hər yerə şikayət yazıb, lakin heç birinə baxılmayıb”.

Bankın münasibətini öyrənməyə çalışırıq.
Bolgexeber.com

Çox Oxunanlar