BolgeXeber.Com » Gündəm » Sumqayıtda müəllimlərin maaşlarını kəsiblər

Sumqayıtda müəllimlərin maaşlarını kəsiblər

13-11-2014, 11:35

Oxunub: 2 621

Səbəb ikimi Maliyyə Nazirliyinin şəhər Təhsil Şöbəsində apardığı yoxlamalar zamanı büdcədən sərf edilən vəsaitin normadan artıq olması göstərilir

Sumqayıtda fəaliyyət göstərən orta məktəblərdə dərs deyən müəllimlərin bir qisminin əmək haqqıları gözlənilmədən azaldılıb. Bu barədə JAM.AZ-a 11 saylı orta məktəbin müəllimi Səidə Quliyeva məlumat verib.

Xanım Quliyeva rekdasiyamıza məktəbin müəllimləri adından göndərdiyi şikayətində bildirir ki, onların dərs dediyi tədris ocağı Sumqayıtda inklyuziv layihə tətbiq edilən yeganə məktəbdir. «Layihəyə cəlb olunan müəllimlərin aylıq vəzifə maaşları 200 manat təşkil etsə də, naməlum səbəblərə görə aylıq əmək haqqılar birdən-birə 50 manat aşağı salınaraq, 150 manata endirilib».

11 saylı orta məktəbin müəllimi vurğulayır ki, bunun səbəbini öyrənməyə çalışsalar da, konkret izahat verən olmayıb. «Gəzən söhbətlərə görə, buna səbəb Maliyyə Nazirliyinin Sumqayıt Şəhər Təhsil Şöbəsində apardığı yoxlamalar zamanı büdcədən sərf edilən vəsaitin normadan artıq olmasıdır. Bizə bildiriblər ki, yeni ildən etibarən kəsilən maaşlar bərpa olunacaq».

Dövlət başçısına müraciət edən müəllimlər bu məsələnin araşdırılmasını və tədbir görülməsini xahiş ediblər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]