Bizimlə əlaqə | Reklam
BolgeXeber.Com » Gündəm » “Könüllülük Məktəbi” yaradıldı

“Könüllülük Məktəbi” yaradıldı

7-07-2010, 14:00
Oxunub: 9 622 Gənclər üçün Təhsil Mərkəzi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə yeni icrasına başladığı “Sosial problemlərin həllində könüllülük fəaliyyətinin inkişafı” layihəsi çərçivəsində “Könüllülük Məktəbi” yaratdı.

Mərkəzdən “bolgexeber”-e verilən məlumata görə region gəncləri arasında könüllülüyün təşviq edilməsi və gücləndirilməsi məqsədi ilə həyata keçirilən layihə çərçivəsində “Könüllülük Məktəbi”nin yaradılması müxtəlif regionlar üzrə təlimçilər qrupunun formalaşdırılmasını və həyata keçirilən təlimləri əlaqələndirməyi nəzərdə tutur.

Bu gündən Məktəb 6 regionun hər birindən 2 nəfər olmaqla Bakı şəhərində 1 həftəlik təlimçilərin hazırlanması məqsədilə xüsusi proqram təşkil etməyə başlamışdır.

Proqram çərçivəsində hazırlanan təlimçilər üçün müasir təlim metodları, interaktivliyin təmin olunması, informasiyanın düzgün çatdırılması, komanda ilə işləmək bacarığı və s. öyrədiləcək.
Məktəb bu proqramları mütəmadi olaraq təşkil etməklə, digər regionların gənclərini də əhatə etməyi planlaşdırır.
Qeyd edək ki, layihə çərçivəsində əsasən gənclərdə könüllülük işinə maraq oyatmaq, zəruri təbliğat və maarifləndirmə işləri aparmaq, könüllü təşəbbüsləri üzə çıxarmaq, onları dəstəkləmək, könüllülər qrupu formalaşdırmaq və birgə layihələr icra etmək nəzərdə tutulub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]