BolgeXeber.Com » Gündəm » Girov götürülmüş əsirlərimizin növbəti məhkəməsi keçirilib

Girov götürülmüş əsirlərimizin növbəti məhkəməsi keçirilib

20-12-2014, 19:15

Oxunub: 1 672

“Smbat Çakanyanın ölümü onu göstərir ki, cinayət bir nəfər, Dilqəm Əsgərov tərəfindən həyata keçirilib."

Ermənistan Silahlı Qüvvələri tərəfindən girov götürülən azərbaycanlıların bu gün növbəti məhkəməsi baş tutub. Prokuror girov Dilqəm Əsgərovun ömürlük, Şahbaz Quliyevin isə 22 il müddətinə azadlıqdan məhrum edilməsini istəyib. Bu barədə məlumatı qondarma Dağlıq Qarabağ Respublikasının baş nazirinin mətbuat katibi Artak Beglaryan özünün tvitter hesabında yazıb.

“Smbat Çakanyanın ölümü onu göstərir ki, cinayət bir nəfər, Dilqəm Əsgərov tərəfindən həyata keçirilib. Onun ermənilərə nifrəti öldürülən şəxslə bağlı Şahbaz Quliyevə “nədi yoxsa erməniyə yazığın gəlir?”müraciətində bir daha sübut olunur. Eyni zamanda, sübut olunub ki, Şahbaz Quliyev çəkiliş aparmayıb, lakin qrupun tərkibində olub”.Statin sonu

Qeyd edək ki,Ermənistan mətbuatının yazdığına görə, prokuror məhkəmədə əsas kimi onu göstərib ki, Dilqəm Əsgərov və Şahbaz Quliyev qanunsuz olaraq sərhədi keçiblər, informasiya toplayıb və video çəkilişlər aparıblar.

Bolgexeber.com

Çox Oxunanlar