BolgeXeber.Com » Gündəm » Məktəblərdə dərslər dayandırıla bilər – Səbəb

Məktəblərdə dərslər dayandırıla bilər – Səbəb

8-01-2015, 10:15

Oxunub: 2 613

Azərbaycanda gözlənilən kəskin soyuq hava şəraiti ilə əlaqədar təhsil ocaqlarında dərslər dayandırıla bilər.

Buna səbəb bugündən başlayaraq ölkə ərazisində havanın kəskin dəyişəcəyidir.

Təhsil Nazirliyi bu gün orta məktəblərdə tədrisin davam etdirilib-etdirilməyəcəyi məsələsinə aydınlıq gətirilib. Nazirliyin mətbuat katibi Cəsarət Valehov “Trend”ə deyib ki, hava şəraiti ilə əlaqədar orta məktəblərdə dərslərin dayandırılması barədə nazirlik tərəfindən hələ bir qərar verilməyib:

“Əgər belə bir qərar verilərsə, bu barədə ictimaiyyətə məlumat veriləcək”.

Xatırladaq ki, bugündən Azərbaycanda və paytaxt Bakıda özünü göstərən soyuq hava və qar Rusiya və türkiyədə bir neçə gündür başlayıb. Türkiyədə bəzi yerlərdə havanın temperaturunun hətta 30 dərəcə şaxtaya qədər düşməsi məktəblərdə tətilə səbəb olub.
Bolgexeber.com

Çox Oxunanlar