BolgeXeber.Com » Gündəm » «Qarasu» Əməliyyat Şirkətində və «ŞirvanOil»də işçilərin başına oyun açılır
«Qarasu» Əməliyyat Şirkətində və «ŞirvanOil»də işçilərin başına oyun açılır
14-01-2015, 13:45
Oxunub: 5 098
İxtisarlar fəhlələri etiraza vadar edir
Redaksiyamıza «Qarasu» Əməliyyat Şirkətində baş verən özbaşınalıqlarla bağlı ilginc informasiya daxil olub. Daxil olun müraciəti diqqətinizə təqdim edirik:
«Sizi Şirvan şəhərindən narahat edirik. Bu gün Şirvanda yerləşən «Qarasu» Neft şirkətində kütləvi ixtisarlar aparılır və yaxud da əksəriyyət öz hesabına məzuniyyətə buraxılır.
Bu il yanvar ayının 15-dən başlayaraq Şirvanda yerləşən «Qarasu» əməliyyat şirkətinin neft mədənlərində çalışanlar öz hesablarına məzuniyyətə buraxılıblar. İşçilərin 15 faizi ilə bağlı bu qərar verilib. Bildirək ki, şirkətin 1297 işçisi var.
Təsəvvür edin, Şirvan şəhərində bu sayda ailənin dolanışıq yeri «Qarasu» əməliyyat şirkəti və «Şirvanoil»dir. «Qarasu» əməliyyat şirkəti isə Azərbaycanda quru yataqlarında ən böyük xarici şirkətdir («Global Energy»nin sahibi Qutseriyevdir).
Şirkət rəhbərliyi ixtisarları böhranla əlaqələndirir. Amma əslində şirkətdə açıq şəkildə israfçılıq var ki, bu isrfaçılığın qarşısı alınsa, ixtisarlara da ehtiyac qalmaz. Bu gün «Qarasu» və «ŞirvanOil»ə aid maşınlar rəhbərlik tərəfindən ayrı-ayrı şəxslərə icarəyə verilib və qanunsuz yolla böyük miqdarda gəlir əldə edilir. Bu işin başında nəqliyyat şöbəsinin rəisi Arif Alışov dayanır.
Ümumiyyətlə, şirkətdə 400 işçiyə verilən yemək də hər zaman keyfiyyətsiz olub. Boş yerə pul silərək, işçilərin həyatlarını risqə atırlar. Şirkətin yeməkxanası «Qarasu»nun vitse-prezidenti olan İslam Ovciyevin şəxsi mülküdür. Fəhlələrə gündəlik olaraq nəzərdə tutulan 10 manat yeməkpulu da onun şəxsi qazancıdır.
Belə keyfiyyətsiz yemək verməkdənsə, yeməkxananı bağlayaraq, işçilərin kütləvi şəkildə ixtisarının da qarşısını almaq olar. Şirkətin icarədə olan nəqliyyatından gələn gəlirlər isə təchizat şöbəsinin müdiri İntiqam Sadıqovun cibinə axır».
Daha sonra Dia.az-a yazan narazı fəhlələr bildirir ki, əgər bu kütləvi ixtisarlara Bakıdan müdaxilə edilməzsə, onlar etiraz aksiyası keçirəcəklər: «Başqa cür haqqımızı qoruya bilmirik».
Çox Oxunanlar
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 11-05-2024, 17:48 : Bakıda daha bir YENİLİK
Xəbərlər / Ölkə
- 4-05-2024, 17:28 : XİN rəsmi məlumat yaydı
Siyasət / Xəbərlər
- 18-05-2024, 17:31 : Prezident və xanımı Zəngilan məscidinin açılışını edib
Siyasət / Xəbərlər
- 1-05-2024, 17:35 : Ermənistanda yeniyetmə minaya düşdü
Dünya / Xəbərlər
- 27-04-2024, 17:55 : Şeytan çarxı fəaliyyətini dayandırıb?
Xəbərlər / Ölkə
- 30-04-2024, 14:11 : “Qarabağ” - “Neftçi” oyununun stadionu dəyişdirilib
İdman
- 6-05-2024, 14:39 : Ölkəmiz regionda bir çox regional və qlobal təşəbbüslərin müəllifidir
Analitika / Xəbərlər
- 6-05-2024, 15:58 : Azərbaycan COP29-a yekdil qərarla ev sahibliyi edən ölkə seçildi
Analitika / Xəbərlər
- 26-04-2024, 16:25 : Xocalı lalələrlə bəzənib
Bölgə / Xəbərlər