Bizimlə əlaqə | Reklam
BolgeXeber.Com » Gündəm » Yanvarın 17-dən hava soyuyacaq, temperatur 2-5 dərəcə düşəcək

Yanvarın 17-dən hava soyuyacaq, temperatur 2-5 dərəcə düşəcək

15-01-2015, 13:55
Oxunub: 3 415 Meteohəssas insanlarda narahatlıq yarana bilər
Yanvarın 17-dən Azərbaycan ərazisində hava şəraiti qeyri-sabitləşəcək və bu proses yanvarın 19-dək davam edəcək.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova açıqlamasında bildirib ki, 17-19 yanvar tarixlərində Azərbaycanda qeyri-sabit hava şəraiti gözlənilir, fasilərlə yağıntılı olacaq, dağlıq və dağətəyi rayonlarda qar yağacaq. Havanın temperaturu ötən günlərlə müqayisədə 2-5 dərəcə enəcək.

Yanvarın 16-da isə Bakı və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Səhər və axşam bəzi yerlərində duman, çiskin olacaq. Şimal-qərb küləyi əsəcək və arabir güclənəcək.

Havanın temperaturu gecə 1-4, gündüz 7-11 dərəcə isti olacaq.

Sabah Azərbaycanın rayonlarında gecə və səhər saatlarında duman, çiskin olacağı gözlənilir. Lənkəran-Astara bölgəsində isə yağıntılı olacaq. Qərb küləyi əsəcək, ayrı-ayrı yerlərdə arabir güclənəcək.

Havanın temperaturu gecə 1 dərəcə şaxtadan 4 dərəcəyədək isti, gündüz 11-16 dərəcə isti, dağlarda gecə 2-7 dərəcə şaxta, gündüz 1-7 dərəcə isti olacaq.

Tibbi meteoroloji proqnoza gəlincə, yanvarın 16-da Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir. Yanvarın 17-18-də isə hava şəraitinin qeyri-sabit keçəcəyi, arabir güclənən xəzri küləyi fonunda temperaturu ötən günlərlə müqayisədə bir qədər aşağı enəcəyi, rütubətliyin artacağı gözlənilir ki, bu da bəzi meteohəssas insanlarda narahatlıq hissi yarada bilər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]