Bizimlə əlaqə | Reklam
BolgeXeber.Com » Gündəm » Xətaidə tikinti yarımçıq qaldı, fırıldaqçı aradan çıxdı

Xətaidə tikinti yarımçıq qaldı, fırıldaqçı aradan çıxdı

23-01-2015, 17:00
Oxunub: 4 172 Mahir adlı şəxsin hər ay su pulu adı ilə hər ailədən 10 manat yığdığını deyən sakinlər bu şəxsin 16 min manatı mənimsəyərək aradan çıxdığını iddia edir

Paytaxtın Xətai rayonu ərazisində, Neapol dairəsi yaxınlığında Səmədbəy Mehmandarov-70 ünvanında inşa edilməkdə olan binada 11 ildir ki, inşaat işləri bitmək bilmir.

Axar.az-a şikayət məktubu ünvanlayan sakinlər 150 ailənin məskunlaşdığı binada vəziyyətin dözülməz olduğunu, “Fateh” MTK şirkəti rəhbərliyinin isə aradan çıxdığını deyir:

“2004-cü ildə “Fateh” MTK-nın tikintisinə start verdiyi binada inşaat işləri hələ də davam edir. 11 il keçməsinə baxmayaraq, tikinti yekunlaşmayıb. 10 mərtəbəli binanın inşası kompleks şəkildə nəzərdə tutulurdu. Üç korpusdan ibarət olan binanın iki korpusu şirkət tərəfindən tikilsə də, qalan bir bina yarımçıqdır. Vəziyyət o yerə çatıb ki, binanı sakinlər fərdi şəkildə inşa edir”.

Sakinlər onu da bildirir ki, ev alanda onlara tezliklə qaz veriləcəyi deyilibmiş:

“Binanın əsası qoyulanda mənzillərdə kommunal problemin olmayacağı deyilirdi. Amma 11 ildir qazımız yoxdur. Bu azmış kimi suyumuzu da kəsiblər. Şikayət edəndə məlum oldu ki, binanın 16 min manat borcu var”.

İnşaat işlərinə rəhbərlik edən Mahir adlı şəxsin hər ay su pulu adı ilə hər ailədən 10 manat yığdığını deyən sakinlər bu şəxsin 16 min manatı mənimsəyərək aradan çıxdığını iddia edir.

Bundan başqa, başıbəlalı sakinlər yaşayış kompleksində bir mənzilin bir neçə nəfərə satıldığını da bildirir:

“Fateh” MTK-nın tikdiyi bu binalarda eyni mənzil və obyektlər bir neçə nəfərə satılıb. Bu işlə bağlı hazırda Xətai Məhkəməsində iddia ərizəsinə baxılır”.

Sakinlər qarşılaşdıqları problemlə bağlı bir neçə dəfə rayon rəhbərliyinə və aidiyyəti qurumlara müraciət ediklərini desələr də, şikayətlərin nəticəsiz qaldığından gileylənirlər.Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]