Bizimlə əlaqə | Reklam
BolgeXeber.Com » Gündəm » Vergilər naziri dörd vergi idarəsinin rəisini vəzifədən çıxartdı

Vergilər naziri dörd vergi idarəsinin rəisini vəzifədən çıxartdı

31-01-2015, 10:05
Oxunub: 3 418 Vergilər Nazirliyində kadr dəyişikliyi gerçəkləşib

Nazirliyin Analitik-informasiya şöbəsinin məlumatına görə, nazirlik tərəfindən müntəzəm olaraq aparılan monitorinqlər nəticəsində son vaxtlar bəzi vergi orqanlarında vergi nəzarətinin lazımi səviyyədə təşkil olunmadığı, vergi ödəyiciləri ilə aparılan işlərdə nöqsanlara yol verildiyi müəyyən edilib. Yerli vergi orqanlarının fəaliyyətinin daha səmərəli təşkili, mövcud vergi potensialından tam istifadə olunması və dövlət büdcəsinə vergi daxilolmaları üzrə proqnozların icrasını təmin etmək məqsədilə 3, 4, 6, 9 saylı Ərazi Vergilər İdarələrinin rəisləri vəzifələrindən azad edilib, həmin vergi orqanlarının rəhbərliyi gücləndirilib.

Modern.az-ın məlumatına görə, 3 saylı Ərazi Vergilər İdarəsi Quba, 4 saylı Şamaxı, 6 saylı Lənkəran, 9 saylı idarə isə Göyçay rayonlarını əhatə edir.

Nazirlik kadr dəyişikliyini belə əsaslandırıb ki, iqtisadiyyatın dinamik inkişafı vergi sisteminin də durmadan təkmilləşdirilməsini, Vergilər Nazirliyinin ayrı-ayrı strukturlarının, eləcə də yerli vergi orqanlarının fəaliyyətinin daha səmərəli təşkil olunmasını tələb edir.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]