Bizimlə əlaqə | Reklam
BolgeXeber.Com » Gündəm » 100 min manat ver, Qız qalasının başında şam elə

100 min manat ver, Qız qalasının başında şam elə

3-02-2015, 13:25
Oxunub: 4 466 “Four Seasons Hotel Baku” oteli 14 fevral - Müqəddəs Valentin günü ərəfəsində gözlənilməz və qeyri-adi təkliflə çıxış edib

Bolgexeber.com virtualaz.org saytına istinadən xəbər verir ki, otel Qız qalasının başında sevgili cütlüklər üçün romantik şam yeməyi təşkil etməyi vəd edir. Lakin macəra axtaran gənc sevgililər bu təklifə sevinməyə hələ tələsməsinlər. Belə ki, Qız qalasının ən uca nöqtəsində şam yeməyi öz bahalığına görə hətta “Ginnesin rekordlar kitabı”na da düşməyə iddialıdır. Çünki bu qeyri-adi şam yeməyi sevgili cütlüyə nə az, nə çox - düz 100 min manata başa gələcək.

“Four Seasons” oteli bu astronomik məbləğ qarşılığında əlavə xidmətlər də təklif edir.

“Sevgililər üçün Qız qalasının başında ən dəbdəbəli apartament hazırlanacaq. Bu, “Four Seasons Hotel Baku”dakı prezident otaqları səviyyəsində lüks nömrə olacaq. Cütlüyə son model limuzin xidmət edəcək. Həmin avtomobil sizi dünyanın istənilən nöqtəsindən birbaşa evinizdən götürüb aeroporta çatdıracaq. I dərəcəli təyyarə salonunda Bakıya uçacaqsınız. Biletləriniz də otel tərəindən alınacaq. Qara kürü və şampan şərabı ilə bəzənmiş masa arxasında başlayacaq möcüzəvi məclis “Caspia” restoranındakı unikal şam yeməyi mərasimi ilə davam edəcək” - deyə otelin yaydığı reklam mətnində bildirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]