Bizimlə əlaqə | Reklam
BolgeXeber.Com » Gündəm » Uşağa ad qoymaq üstündə ərini məhkəməyə verdi - Azərbaycanda

Uşağa ad qoymaq üstündə ərini məhkəməyə verdi - Azərbaycanda

4-02-2015, 11:00
Oxunub: 4 216 Azərbaycanda maraqlı olay yaşanıb

Arvad uşağa ad qoymaq üçün razılığa gələ bilmədiyi üçün ərini məhkəməyə verib.Bu barədə vəkil Elmar Süleymanov məlumat verib. Qadın vəkilə müraciət edərək bildirib ki, əri ilə onun arasında uşağın adına görə mübahisə yaranıb: “Mən uşağa bir ad, ərim və anası isə ona ayrı bir ad qoymaq istəyirik. Onların dediyi addan heç xoşum gəlmir. Buna görə bir vəkilin yanına getdim, o da ərimdən məhkəməyə şikayət yazdı. Hakim 2-3 həftədən sonra şikayətimizi qaytardı ki, mən belə işə baxmıram. Həmin vəkili indi tapa bilmirəm. Nə məsləhət bilirsiniz”.

E.Süleymanov isə cavabında belə hallarda adın müvafiq icra orqanı tərəfindən qoyulacağını bildirib: “Məhkəmə haqlı olaraq uşağın adına dair həyat yoldaşınızla yaranmış mübahisə ilə bağlı şikayəti geriyə qaytarəb. Məsələ bundadır ki, qanunvericiliyə əsasən, valideynlər arasında uşağın adına münasibətdə razılıq olmadıqda, yaranan fikir ayrılığı ilkin olaraq məhkəmə tərəfindən deyil, müvafiq icra hakimiyyəti orqanları tərəfindən həll olunur”.(qafqazinfo)
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]