BolgeXeber.Com » Gündəm » AVP seckilərin demokratik kecəcəyinə inanır

AVP seckilərin demokratik kecəcəyinə inanır

17-10-2010, 00:35

Oxunub: 8 014

Artıq 07 noyabr 2010-cu ildə keçiriləcək Azərbaycan Respublikası Milli Məclisinə seçkilərin ilkin mərhələsi başa çatmışdır.

Rayon və şəhər seçki qərargahlarının, namizədlərimizin, səlahiyyətli nümayəndələrimizin və çoxsaylı müşahidəçilərimizin verdikləri məlumatları əsas tutaraq Ana Vətən Partiyası bəyan edir ki, seçkinin birinci mərhələsi Azərbaycan Respublikası Seçki Məcəlləsinə və Beynəlxalq standartlara tam uyğun keçmiş, seçkilərdə iştirak etmək istəyənlər üçün bərabər imkanlar və şərait yaradılmışdır. Seçkilərə çoxsaylı bitərəf namizədlərin və 30-dan çox partiyanın qatılması bunun bir daha sübut edir.

Ana Vətən Partiyası Ali Məclisinin 07 sentyabr 2010-cu il tarixli qərarı ilə 18 nəfərin namizədliyi irəli sürülmüşdür. Seçkilərin ilkin mərhələsinin yekunlarına görə partiyanını 8 namizədi qeydə alınmış, bir nəfər cərahiyyə əməliyyatı olunduğu üçün seçkilərdə iştirak etməmiş, 9 nəfər isə Yeni Azərbaycan Partiyasının irəli sürdüyü namizədlərin lehinə seçkilərdə iştirak etməkdən imtina etmişlər.

Ana Vətən Partiyası əmindir ki, seçkinin sonrakı mərhələlərində də demokratik şərait hökm sürəcək, seçkilər beynəlxalq norma və prinsiplərə uyğun, Seçki Məcəlləsinin tələblərinə əməl olunmaqla azad və ədalətli şəkildə keçiriləcək, seçkinin nəticələri xalqımızın siyasi iradəsini əks etdirəcəkdir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]