Bizimlə əlaqə | Reklam
BolgeXeber.Com » Gündəm » Rəşid Behbudovun bacısı oğlu tapıldı

Rəşid Behbudovun bacısı oğlu tapıldı

26-03-2012, 15:20
Oxunub: 5 609 Rəşid Behbudovun bacısı oğlu tapıldı

Azərbaycan estradasının tanınmış ifaçılarından olan, ötən əsrin 80-ci illərində populyarlaşan Cəfər Behbudovun uzun müddətdir efirdən eşidilmir. Peşəkar estrada mahnılarının ifaçısı Cəfər Behbudovun 80-ci illərin əvvələrində oxuduğu mahnılar AzTV-də tez-tez nümayiş olunurdu. C.Behbudovun Xalq artisti Flora Kərimova ilə birgə oxuduğu duet o illərin yaddaqalan hit ifalarından biri idi.
Qeyd edək ki, Cəfər Behbudov dünya şöhrətli Azərbaycan müğənnisi Rəşid Behbudovun bacısı oğludur. Onun səsindəki bəzi çalarlar R.Behbudovu xatırladırdı.

Təəssüf ki, 90-cı illərdən sonra onun haqqında heç bir məlumat yoxdur. Modern.az bu tanınmış Azərbyacan estrada müğənnisinin harada olduğu barədə məlumat əldə etməyə çalışıb. Bir neçə cəhddən sonra biz Cəfər Behbudov haqqında müəyyən məlumatlar əldə edə bildik. Bu işdə bizə tanınmış radio aparıcısı olmuş Rahib Azərinin kömək etdi.
Məlum oldu ki, Cəfər Behbudov 1992-ci ildə Azərbyacanı tərk edib. O hazırda Ukraynada yaşayır. Kiyev şəhərində yaşayıb fəaliyyət göstərən C. Behbudov bir çox çətinliklərdən keçməli olub. Ukrayna restoranlarında çıxış edən C.Behbudov Ukraynanın “Seqodnya” qəzetində onun barəsində çıxan yazıdan sonra diqqəti cəlb edib.

Qəzetin əməkdaşları biləndən sonra ki, Kiyev restoranlarının birində əfsanəvi Rəşid Behbudovun bacısı oğlu oxuyur, buna xeyli təəccübləniblər. Cəfərlə görüşən jurnalistlər maraqlı təəssüratlarla ayrılıblar. Cəfər Behbudov qəzetə Polad Bülbüloğlu ilə yenieytmə vaxtılarındakı dostluqlarından, məşhur rus müğənnisi İrina Alleqrova ilə az qala evləndirilməsindən danışıb. O həmçinin dayısı Rəşid Behbudova Mahnı Teatrının yaratmaq üçün necə kömək göstərməsindən bəhs edib. Material qəzetdə gedən kimi Azərbaycanın Ukraynadı səfirliyinin əməkdaşları təcili olaraq Cəfər Behbudovu tapıblar.

Diplomatik nümayəndəliyin əməkdaşları Cəfər Behbudova deyiblər ki, onun Kiyevdə yaşamasından xəbərsiz olublar və daha restoranda oxumamasını xahiş ediblər.
Ondan sonra “Seqodnya” qəzetinin bir neçə nömrəsini Bakıya göndərən səfirilik C.Behbudova yaşamaq üçün səfirlik binasında yer ayırıblar.

Cəfər Behbudov barədə informasiyalar burda bitir. Onun sonradan nə işlə məşğul olduğu barədə heç bir məlumat yoxdur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]