BolgeXeber.Com » Gündəm » Rüfət Quliyevin seçicilərlə daha bir görüşü oldu

Rüfət Quliyevin seçicilərlə daha bir görüşü oldu

27-10-2010, 16:10
Oxunub: 2 957

Deputatlığa namizədin görüşü Sütəmurdov kənd klubunda baş tutub

Oktyabr ayının 26-da 73 saylı Lənkəran şəhər seçki dairəsindən deputatlığa namizəd Rüfət Quliyev Sütəmurdov kənd klubunda seçicilərlə görüş keçirmişdir.
Bu barədə Bolgexeber.com-a namizədin seçki qərargahından məlumat veriblər.
Görüşü deputatlığa namizədin səlahiyyətli nümayəndəsi Rəşid Quliyev açmışdır.

Görüşdə çıxış edən kənd sakinləri: Arzu Orucova, Mahmud Məmmədov, Ağabala Kazımov, Mehman Əliyev və digərləri deputata 5 il ərzində gördüyü işlərə görə öz minnətdarlıqlarını və arzularını bildirmiş, bu seçkilərdə də onu dəstəkləyəcəklərini vurğulayaraq gələcək fəaliyyətində ona uğurlar arzulamışlar.

Görüşdə çıxış edən deputatlığa namizəd Rüfət Quliyev seçicilərə öz təşəkkürünü bildirərək möhtərəm Prezident cənab İlham Əliyevin rəhbərliyi altında aparılan uğurlu daxili və xarici siyasətdən, ölkədə gedən sıçrayışlı iqtisadi inkişafdan geniş söhbət açmış, seçicilərə öz platformasının müddəalarını açıqlamışdır.

Sonda deputatlığa namizəd seçicilərin çoxsaylı suallarına cavab vermişdir.