Bizimlə əlaqə | Reklam
BolgeXeber.Com » Gündəm » Hərbi prokrorluq təkzib edir

Hərbi prokrorluq təkzib edir

2-04-2012, 00:00
Oxunub: 5 834 Bununla bağlı Respublika Hərbi Prokurorluğunun Mətbuat xidməti məlumat yayıb

Son zamanlar bəzi mətbu orqanlarında Müdafiə Nazirliyinin hərbi hissəsində baş vermiş ölüm hadisəsi ətrafında reallığı əks etdirməyən informasiyalar yayılmışdır

Bununla əlaqədar, Azərbaycan Respublikasının Hərbi Prokurorluğu rəsmi mövqeyini açıqlayaraq bildirir ki, Müdafiə Nazirliyinin Tərtər rayonu ərazisində yerləşən № saylı hərbi hissəsində manqa komandiri vəzifəsində xidmət edən, Lənkəran rayon hərbi komissarlığı tərəfindən hərbi xidmətə çağırılmış əsgər Emil Həsənovun ərazidə aparılan təmizlik işləri zamanı hərbi hissənin digər əsgəri, Bakı şəhəri Nəsimi rayon hərbi komissarlığı tərəfindən hərbi xidmətə çağırılmış Məmməd Abbasova etdiyi iradlar onlar arasında mübahisəyə səbəb olmuşdur. Sonuncu əsgər Emil Həsənovdan qisas almaq məqsədi ilə 29 mart 2012-ci il tarixdə saat 19:00 radələrində avtomat silahdan çoxsaylı atəşlər açaraq onu qəsdən öldürmüş, açılmış atəşlər nəticəsində həmin vaxt Emil Həsənovun yanında olmuş əsgərlər Teymur Teymurov və Babək İbişov müxtəlif dərəcəli bədən xəsarətləri almışlar. Bundan sonra əsgər A.Abbasov avtomat silahını çənəsinin altına dirəyərək özünü də öldürmüşdür.
Faktla bağlı Hərbi Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.4-cü (ümumi təhlükəli üsulla qəsdən adam öldürmə) maddəsi ilə cinayət işi başlanmış və ilkin zəruri istintaq hərəkətləri yerinə yetirilmişdir.

Hazırda baş vermiş hadisənin bütün hallarının tam, obyektiv və hərtərəfli araşdırılması istiqamətində zəruri istintaq hərəkətləri davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]