Bizimlə əlaqə | Reklam
BolgeXeber.Com » Gündəm » Mingəçevir hadisəsi ilə bağlı cinayət işi başlanıldı

Mingəçevir hadisəsi ilə bağlı cinayət işi başlanıldı

2-04-2012, 00:15
Oxunub: 6 058 Hazırda cinayət işi üzrə istintaq davam etdirilir

Martın 30-da, saat 11:00 radələrində Mingəçevir Su Elektrik Stansiyaları Silsiləsi Məhdud Məsuliyyətli Cəmiyyətdə baş vermiş partlayış nəticəsində müəssisənin çilingəri Pərviz Cabbarovun ölməsi, usta Cüma Süleymanovun isə xəsarət alması barədə şəhər Polis Şöbəsindən daxil olmuş məlumat əsasında şəhər prokuroru və prokurorluğun əməkdaşları tərəfindən məhkəmə-tibb eksperti və polis əməkdaşlarının iştirakı ilə hadisə yeri və meyitə baxış keçirilmişdir. Bunla bağlı Respublika prokorluğudan Bolgexeber.com-a daxil olan məlumatda deyilir ki, fakta görə həmin tarixdə şəhər prokurorluğunda Cinayət Məcəlləsinin 162.2-ci (əmək mühafizəsi qaydalarını pozma) maddəsi ilə cinayət işi başlanmışdır. İş üzrə texniki təhlükəsizlik, məhkəmə-tibb ekspertizaları təyin olunmuş və digər zəruri istintaq hərəkətləri həyata keçirilmişdir.

İlkin araşdırmalarla müəyyən edilmişdir ki, MMC-nin derevasiya qalareyasında aparılan təmir işləri zamanı içərisində bitum olan qab partlamış, nəticədə Pərviz Cabbarov hadisə yerində ölmüş, bədən xəsarəti alan Cüma Süleymanov isə şəhər Mərkəzi Xəstəxanasına yerləşdirilmişdir.
Hazırda cinayət işi üzrə istintaq davam etdirilir.


Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]