Bizimlə əlaqə | Reklam
BolgeXeber.Com » Gündəm » Qəbiristanlıq müdirinin oğlunu güllələyən şəxs yaxalanıb

Qəbiristanlıq müdirinin oğlunu güllələyən şəxs yaxalanıb

7-04-2012, 13:15
Oxunub: 5 452 Bakının Binəqədi rayonunda odlu silahdan açdığı atəş nəticəsində Cavid Məmmədovu yaralayan şəxs tutulub.

Bolgexeber.com-un Daxili İşlər Nazirliyinin saytına istinadən xəbərinə görə, Binəqədi Rayon Polis İdarəsi 4-cü polis bölməsi əməkdaşlarının həyata keçirdiyi əməliyyat-axtarış tədbirləri nəticəsində odlu silahdan atəş açaraq Cavid Məmmədovu yaralayan Heybət Abbasov saxlanılıb.

H.Abbasovun evinə baxış zamanı oradan 1 ədəd “Makarov” markalı tapança, 2 ədəd tapança patronu və 1 ədəd patron darağı aşkar edilərək götürülüb.

Qeyd edək ki, insident Binəqədi rayonu ərazisindəki qəbiristanlıqların birində baş verib. Heybət Abbasov qardaşı Zeynalla birlikdə qəbiristanlıqda əvvəlcədən aldıqları 15 nəfərlik qəbir yerini genişləndirmək istəyib. Qəbiristanlığın rəhbəri Zülfüqar Məmmədov buna etiraz edib. Yaranan mübahisə nəticəsində Heybət tapança ilə Zülfüqar Məmmədovun oğlu Cavidi güllələyib. Oğlunu qan içində görən ata özündən çıxaraq Abbasov qardaşlarının üstünə gedib və bıçaqla Zeynala xəsarət yetirib. Z.Məmmədov da polis tərəfindən saxlanılıb.

Faktla bağlı Cinayət Məcəlləsinin qəsdən sağlamlığa ağır xəsarət yetirmə (126-cı) və qanunsuz odlu silah saxlama (228-ci) maddələri ilə cinayət işi başlanıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]