BolgeXeber.Com » Gündəm » Dünya çempionumuzu qətlə yetirən bağışlanmadı

Dünya çempionumuzu qətlə yetirən bağışlanmadı

13-04-2012, 12:40

Oxunub: 4 391

Qatilin iddiasi rədd edilib

Bakı Apellyasiya Məhkəməsində uşu və qaydasız döyüş üzrə dünya çempionu Miramil İbrahimlini qətlə yetirməkdə təqsirləndirilən Çingiz Allahverdiyevin apellyasiya şikayəti əsasında məhkəmə prosesi başa çatıb. APA-nın məlumatına görə, prosesdə məhkəmənin qərarı elan olunub. Qərara əsasən, apellyasiya şikayəti təmin olunmayıb.

Qeyd edək ki, 2011-ci il iyunun 20-də Mərdəkan qəsəbəsində “Tropikanka” çimərliyində Çingiz Allahverdiyev tapançadan atəş açaraq M. İbrahimlini ağır yaralayıb. Şəhər xəstəxanasına çatdırılan Miramil İbrahimli elə oradaca dünyasını dəyişib. Bakı Ağır Cinayətlər Məhkəməsinin hökmü ilə Ç. Allahverdiyev 15 il müddətinə azadlıqdan məhrum edilib.

Onu da qeyd edək ki, Miramil İbrahimli qaydasız döyüş üzrə dünya çempionu adını qazanıb. O, 2008-ci ildən uşu üzrə 85 kiloqram çəkidə Azərbaycan çempionu olub.

Çox Oxunanlar