Bizimlə əlaqə | Reklam
BolgeXeber.Com » Gündəm » «İnsanlar saxtakarlıq olacağından narahatdır»

«İnsanlar saxtakarlıq olacağından narahatdır»

30-10-2010, 11:35
Oxunub: 8 289 Elşad Paşasoy: «Seçicilər seçiəcəkləri şəxsin deputatlığının təsdiqinə Tanrının möcüzəsi kimi baxırlar»

72 saylı Yardımlı-Masallı seçki dairəsindən deputatlığa namizəd Elşad Paşasoyun seçicilərlə görüşü davam edir. Dünən daha iki kənddə görüşlər keçirilib. Bu barədə saytımıza məlumat verən deputatlığa namizədin Seçki Qərargahından bildiriblər ki, həmin görüşlər Yardımlının Alar və Şıxhüseynli kəndlərində baş tutub.

Dəniz səviyyəsindən 2200 metr hündürlükdə yerləşən bu kəndlərin sakinləri deputatlığa namizədlərin indiyə qədər buralara gəlmədiklərini deyiblər. Görüşdən sonra təəssüratlarını bizimlə bölüşən Elşad Paşasoy deyib ki, siyahı üzrə bu kəndlərdə 1500 seçici var. «Həvəslə görüşə gəlirdilər. Rayon mərkəzindən 35 kilometr uzaqda olan bu kəndlərdə vəziyyət dözülməzdir. Yolları ümumiyyətlə, acınacaqlıdır. İnsanlar təəccüb etmişdilər ki, payızda buralara necə gəlib çıxmışıq».

Paşasoy daha sonra deyib ki, kənd sakinlərinin onun mətbuatdakı fəaliyyətindən və indiyə qədər həyata keçirə bildiyi işlərdən xəbərdardırlar. «Hamısı səs verəcəklərini vəd etdi. Amma narahatçılıqları olduqlarını da gizlətmədilər. Dedilər ki, əsas narahatlıqları səslərinin saxtalaşdırıla biləcəyidir. Hesab edirlər ki, əgər səsləri saxtalaşdırılmasa və əhalinin seçdiyi şəxs seçilərsə bu artıq Tanrının möcüzəsi olacaq. Həmin kəndlərdəki seçki məntəqələrinə müşahidəçilərimizi də təyin etdik».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]