BolgeXeber.Com » Gündəm » Ermənistan ordusunun üç hərbçisi öldürülüb

Ermənistan ordusunun üç hərbçisi öldürülüb

27-04-2012, 16:50

Oxunub: 4 145

Ermənistan Müdafiə Nazirliyi Tauş rayonunun Ayqepar və Movses kəndləri arasındakı yolda üç erməni hərbçisinin odlu silahdan açılan atəş nəticəsində öldüyünü açıqlayıb.

APA-nın “Armenia Today” saytına istinadən yaydığı məlumata görə, nazirlik “Vaz-2107” markalı maşında olan üç hərbçiyə odlu silahdan atəş açıldığını, maşının sürücüsünün hadisə yerində öldüyünü bildirib. Yaralılardan biri hospitala aparılan zaman yolda, digəri isə Berd hərbi hospitalında dünyasının dəyişib. Hadisə yerinə baxış zamanı maşında çoxlu sayda güllə yerləri aşkarlanıb.

Faktla bağlı araşdırma aparılır. Azərbaycan tərəfinin atəşkəs rejimini pozması ilə əlaqədar Ermənistan Xarici İşlər Nazirliyi ATƏT-in fəaliyyətdə olan sədrinin şəxsi nümayəndəsi Anjey Kaspşikə müraciət edib. Müraciətdə hadisə yerində vəziyyətlə tanış olmaq üçün ekspertlər göndərilməsi xahiş olunub.

Çox Oxunanlar