BolgeXeber.Com » Gündəm » Zərdabda utancverici hərəkət: İCRA BAŞÇISI MEYVƏ SATANI KÜÇƏDƏ QOVDU

Zərdabda utancverici hərəkət: İCRA BAŞÇISI MEYVƏ SATANI KÜÇƏDƏ QOVDU

30-03-2016, 10:55

Oxunub: 5 891

Lütfəli Babayev biçarə kişini cəmiyyətə «düşmən» kimi təqdim etməyə çalışıb

Dünən Zərdab rayonunda həqiqətən də utancverici olay yaşanıb. Bu barədə JAM.AZ-a rayon sakinləri məlumat veriblər.

Onlar bildiriblər ki, rayon mərkəzini maşınla gəzən icra başçısı Lütfəli Babayev küçədə meyvə satan yaşlı kişini görərək, orada düşüb. Qısa müddətdə əraziyə icra başçısının iki müavini, polis və bələdiyyənin işçiləri də çağırılıb. Verilən məlumatda deyilir ki, Babayev bar-bar bağırırmış ki, guya, kişi böyük bir günah iş görüb, hətta «cinayət» törədib.

Deyilənlərə görə, təbiətcə sakit adam olan meyvəsatan məhsullarını yığışdırıb, getmək istəyərkən, icra başçısı yenidən coşub. Bu zaman ətrafdakı insanlar elə zənn ediblər ki, orada avtoqəza olub və ya ölüm hadisəsi baş verib. Hamı əraziyə yığışıb və nəyin baş verdiyini bildikdən sonra dağılışıblar.

Məlumatlara görə, Zərdabda hamı Lütfəli Babayevin bu hərəkətini gülüş obyektinə çeviriblər. Yaxın günlərdə baş verən olaya lətifə qoşulacağı da istisna edilmir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]