Bizimlə əlaqə | Reklam
BolgeXeber.Com » Gündəm » Azərbaycan Türkiyədən yeni silahlar alır

Azərbaycan Türkiyədən yeni silahlar alır

27-07-2012, 14:05
Oxunub: 4 957 Azərbaycan Türkiyənin Modern Piyada Tüfəngi layihəsinə qoşulmaq niyyətindədir və bununla bağlı ötən il niyyət sənədi imzalanıb.

Bu barədə APA-ya Türkiyənin Makina və Kimya Sənayesi Təşkilatından (MKEK) məlumat verilib.

Hazırda tərəflər arasında Azərbaycanın ehtiyaclarının dəqiqləşdirilməsi üzərində işlər aparılır. Eyni zaman bu ilin sonu, gələn ilin əvvəllərində silahın ortaq şəkildə istehsalına dair daha bir sənədin imzalanması gözlənilir: “Biz Azərbaycandan başlanğıc üçün konkret say və layihədə hansı formada iştirakla bağlı təklif gözləyirik. Azərbaycan rəsmən bu layihədə iştiraka maraqlı olduğunu və daxili ehtiyacı öyrəndiyini açıqlayıb. Son texnologiyalardan istifadə əsasında hazırlanmış piyada tüfəngimiz Azərbaycan Ordusunun silahlanmasında öz yerini alacaq”.

Şirkət gələcəkdə sifarişin çox olacağı təqdirdə adıçəkilən silahın lisenziya əsasında, Azərbaycanın müəssisələrində istehsalını mümkün hesab edir.

MKEK şirkəti hazırda Azərbaycanın Müdafiə Sənayesi Nazirliyinin müəssisələri ilə digər bir neçə layihəni nəzərdən keçirir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]