BolgeXeber.Com » Gündəm » Belarusun silah şirkəti Azərbaycan üçün çalışır

Belarusun silah şirkəti Azərbaycan üçün çalışır

27-07-2012, 13:40

Oxunub: 4 311

Belarusun müdafiə sənayesində fəaliyyət göstərən «Tetraedr» firması Azərbaycanla yeni layihələr üzərində işləyir.

APA-nın məlumatına görə, bu barədə «Eksport voorujeniy» jurnalına müsahibəsində «Tetraedr» firmasının prezidenti Andrey Vaxovski bildirib.

Azərbaycanın rəhbərlik etdiyi firmanın əsas müştərilərindən olduğunu deyən A. Vaxovski mövcud layihələr barədə detallı açıqlamalar verməyib.

A. Vaxovski Azərbaycandan başqa, Qazaxıstanla da birgə layihələrinin olduğunu vurğulayıb.

Qeyd edək ki, «Tetraedr» firması Azərbaycan Hava Hücumundan Müdafiə Qoşunlarının S-125 «Peçora» raket komplekslərinin modernləşdirilməsini həyata keçirib.

Modernləşdirilmiş ilk komplekslərin atış sınaqları 2010-cu ilin sonlarında keçirilib və yaxşı nəticələr alınıb. A. Vaxovski ötən il APA-ya açıqlamasında Azərbaycanın «Tetraedr»in istehsalı olan T-38 «Stilet» zenit-raket komplekslərini almaq istəyində olduğunu söyləyib.

Hazırda Azərbaycanda «Tetraedr»in yerli «Azairtechservice» şirkəti ilə birgə yaratdığı «Tetraedr Techservice» adlı birgə müəssisəsi fəaliyyət göstərir.

Çox Oxunanlar