Bizimlə əlaqə | Reklam
BolgeXeber.Com » Gündəm » Əsir əsgərimizin məktubu ailəsinə verilmədi

Əsir əsgərimizin məktubu ailəsinə verilmədi

1-08-2012, 18:20
Oxunub: 4 521 Beynəlxalq Qızıl Xaç Komitəsi (BQXK) Ermənistanda saxlanan azərbaycanlı hərbi əsirin məktublarını onun ailəsinə verməkdən imtina edib.

Bu barədə APA-ya əsir Firuz Fərəcovun ailəsindən məlumat verilib. Məlumata görə, bu gün BQXK-nin Azərbaycan nümayəndəliyinin əməkdaşları əsirin ailə üzvləri ilə görüşüblər. Beynəlxalq qurumun nümayəndələri F.Fərəcovun vəziyyətinin yaxşı olduğunu və əsirdən məktub gətirdiklərini bildirsələr də, həmin məktubu valideynlərinə verməkdən imtina ediblər. Əsirin ailəsi bu barədə aidiyyəti dövlət orqanlarına məlumat verib.

BQXK-nın Azərbaycan nümayəndəliyindən isə APA-ya bildirib ki, komitənin özünün müvafiq iş prinsipləri və əməl etməli olduğu proseduralar var. Məktubun ailəyə çatdırılması ilə bağlı prosedura hələlik başa çatmayıb.

Qeyd edək ki, BQXK-nın nümayəndələri iyulun 31-də erməni əsirliyində olan F. Fərəcovla görüşüblər. Görüş zamanı əsirə ailəsindən bir “Qızıl Xaç” məktubu çatdırılıb, əsirdən isə iki “Qızıl Xaç” məktubu alınıb. Azərbaycan Müdafiə Nazirliyi Silahlı Qüvvələrin əsgəri, 1992-ci il təvəllüdlü Fərəcov Firuz Mirzə oğlu qoşunların təmas xəttinin Tovuz rayonu istiqamətində azaraq erməni silahlı bölmələrinə əsir düşüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]