Bizimlə əlaqə | Reklam
BolgeXeber.Com » Gündəm » Arvadının oynaşının başını kəsib şəhərdə gəzdirdi

Arvadının oynaşının başını kəsib şəhərdə gəzdirdi

1-08-2012, 18:55
Oxunub: 5 092 Rusiyada insanları şoka salan dəhşətli qətl hadisəsi törədilib

Rusiyanın Yekaterinburq şəhərində əlində qan içində olan insan başı ilə küçələri gəzən gənc sakinləri şoka salıb. Lent.az-ın “lifenews.ru”-ya istinadən xəbərinə görə, polislər dərhal müqavimət belə göstərməyən gənci saxlayıblar.

İlkin araşdırma zamanı məlum olub ki, saxlanılan şəxs Yekaterinburq şəhər sakini, 30 yaşlı İqor Burimovdur. Burimov müstəntiqlərə bildirib ki, əlində gəzdirdiyi insan başı keçmiş arvadının aşnasının başıdır. Və həmin adamı bir saat əvvəl arvadı ilə birgə yataqda tutub.

Müstəntiqlər onu da ayırd ediblər ki, bu gün səhər saatlarında İqor keçmiş arvadı Olqanın yanına gələndə onu başqa bir kişi ilə görüb. Bıçağa əl atan İqor Olqanı öldürmək istəsə də, yaralanan qadın onun əlindən qaça bilib. Qısqanc ər Olqanın aşnası Aleksandrı həyətə çıxararaq sakinlərin gözü qarşısında onun başını kəsib. Bundan sonra Aleksandrın kəsilmiş başını da götürərək küçəyə çıxıb.

Hadisənin necə baş verdiyini görən şahidlər də tapılıb. Olqanın qonşusu Nadejda Serdikina bildirib ki, qışqırıq səsləri eşidərək pəncərədən baxıb: “Gördüm ki, Aleksandr qan içində qaçır. İqor isə əlində bıçaq onun dalınca yüyürür. İqor Aleksandrı gölməçəyə yıxdı və döyməyə başladı. Sonra isə bıçaqla vururdu. Mən dərhal polis çağırdım. Amma Aleksandrın səsi kəsilmişdi. Bundan sonra İqor onun saçından tutdu və bıçaqla qoyun kimi başını kəsməyə başladı. Sonra kəsilmiş başı pencəyinə bükdü və getdi”.

Hazırda İqor Burimovun psixoloji ekspertizadan keçirilməsi də gözlənilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]