BolgeXeber.Com » Gündəm » Bakıda 3 nəfər taksi sürücüsünü döyərək pulunu aldı

Bakıda 3 nəfər taksi sürücüsünü döyərək pulunu aldı

18-08-2012, 17:40

Oxunub: 4 082

Bakıda quldurluq hadisəsi baş verib.

Bakı şəhər Baş Polis İdarəsindən verilən məlumata görə, hadisə paytaxtın “Azneft” dairəsi yaxınlığında qeydə alınıb. Bakı şəhər sakini Şirin Abbasovun taksi kimi idarə etdiyi “VAZ-2106” markalı maşına sərnişin qismində oturan üç naməlum şəxs sürücüdən Ələt qəsəbəsinə sürməyi xahiş ediblər. Qəsəbə ərazisinə çatdıqda isə onu döyərək və bıçaqla hədə-qorxu gələrək 320 manat pulunu da alıb hadisə yerindən uzaqlaşıblar.

Daxili İşlər Nazirliyinin baş Cinayət Axtarış İdarəsi və Qaradağ rayon Polis İdarəsinin 11-ci Polis Bölməsi əməkdaşlarının həyata keçirdiyi tədbirlər nəticəsində quldurluq əməlini törətməkdə şübhəli bilinənlər – Sabirabad sakinlər Rafət Əmənov, Əlibaba Muradov və Salyan sakini Kamil Əliyev tutulublar.

Faktla bağlı cinayət işi başlanıb, istintaq gedir.

Çox Oxunanlar