Bizimlə əlaqə | Reklam
BolgeXeber.Com » Gündəm » Əhəd Abıyevi Bakıya çağırdılar-ÖZƏL

Əhəd Abıyevi Bakıya çağırdılar-ÖZƏL

10-10-2012, 08:30
Oxunub: 5 681 İcra başçısında böyrək qalmaqalına görə izahat tələb olunacaq

Oktyabrın 8-də Bakı bulvarında özünü dənizə ataraq intihara cəhd edən qadınla bağlı ölkə mətbuatı dünəndən etibarən məlumatlar yayır. Saytların Səbayel Rayon Polis İdarəsinə istinadən yaydığı məlumata görə, srağagün saat 15 radələrində Dənizkənarı Bulvarın Saat qülləsi yaxınlığında 52 yaşlı Eleonora Cəbrayılova özünü dənizə atıb. Hadisə yerinə çağırılmış Fövqəladə Hallar Nazirliyinin dalğıc xilasediciləri tərəfindən E.Cəbrayılova dənizdən sağ-salamat çıxarılıb.
Səbayel Rayon Polis İdarəsinin 39-cu polis bölməsindən verilən məlumata görə, Eleonora Cəbrayılova bir müddət əvvəl böyrəyini 50 min dollara satıb. Lakin üstündən xeyli keçməsinə baxmayaraq, ona çatacaq məbləği ala bilmir. Həmin qadından donor böyrək alan adam Səməd Abıyevdir. Hazırda qadının ifadəsinin düzgün olub-olmaması araşdırılır. İfadənin düzgün olacağı halda həmin şəxsi cinayət məsuliyyəti gözləyir.
Bolgexeber.com-a daxil olan məlumata görə, hadisədə adı keçən Səməd Abıyev hazırda Daşkəsən rayonunun icra başçısı olan Əhəd Abıyevin qardaşıdır və bu səbəbdən də hakimiyyət dairələri narahatlıq keçirməyə başlayıblar. Gülər Əhmədova probleminin ardından bir də icra başçısının adının dəhşətli qalmaqalda hallanması rəsmi qurumları tədbir görməyə vadar edib.
Məlumatlara görə, prokurorluqda ifadə verən qadın dedikləri araşdırılır. İfadələr təsdiqini taparsa, artıq Səməd Abıyevi cinayət məsuliyyəti gözləyir. Üstəlik, burada Əhəd Abıyevin də vasitəçi kimi adı keçir və onun da istintaqa cəlb olunması mümkün ola bilər.
Bolgexeber.com-a verilən məlumatda deyilir ki, yaranmış problemlə əlaqədar Əhəd Ablyev bu gün Bakıya çağırılıb. Məlumata görə, Prezident Admnistrasiyasına dəvət olunan icra başçısından məlum hadisə ilə bağlı izahat istəniləcək. Hətta o da iddia edilir ki, Əhəd Abıyevin işdən çıxarılması məsələsi də gündəmə gəlməsi mümkündür.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]