Bizimlə əlaqə | Reklam
BolgeXeber.Com » Gündəm » Girov düşən Azərbaycanlı erməniləri aldadıb?

Girov düşən Azərbaycanlı erməniləri aldadıb?

1-12-2012, 12:50
Oxunub: 5 021 Erməni tərəfindən iddia: Telman Əliyev həmyerliləri ilə danışıb

Məlum olduğu kimi, dünən Ermənistanda girov saxlanılan Azərbaycan vətəndaşı Telman Cavanşir oğlu Əliyev beynəlxalq missiyanın iştirakı ilə Azərbaycana qaytarılıb. Bildirək ki, bu təhvil-təslim prosesinə Azərbaycan tərəfi etiraz edib və prosesdə ermənilərin silahlı şəkildə təmsil olunmasının beynəlxalq konvensiyalara zidd olduğunu bildiriblər.

Təbii ki, bu ittihamı qulaqardına vuran rəsmi İrəvan da qarşılıqlı iddia irəli sürüb. Dia.az-ın erməni mətbuatına istinadən verdiyi xəbərdən aydın olur ki, düşmən ölkənin Müdafiə Nazirinin mətbuat xidmətinin rəhbəri Artsrun Ovannisyan mətbuata verdiyi açıqlamasında bildirib ki, əsirlik dönəmində özünü ermənilərə lal-kar kimi təqdim edən Telman Əliyev təhvil-təslim prosesində öz həmyerliləri ilə salamlaşıb ki, bununla da onun lal-kar olmadığı müəyyən olunub.

Xatırladaq ki, Telman Cavanşir oğlu Əliyev 12 noyabr tarixində yolunu azaraq düşmən tərəfə keçib.

Bu məsələni şərh edən hərbi dairələrdəki həmsöhbətimiz isə DİA.AZ-a bildirdi ki, əslində Telman Əliyevin bu şəkildə davranması normaldır: «Onun özünü lal-kar kimi göstərməsi əslində hansısa dindirmədə iştirakdan yayınması niyyətindən doğub. Və maraqlı orasıdır ki, ermənilər onu sonna qədər lal-kar biliblər. Və indi də yanıldıqlarını bu şəkildə ifadə edirlər».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]