BolgeXeber.Com » Gündəm » Müdafiə Nazirliyinin polkovniki evində ölü tapıldı

Müdafiə Nazirliyinin polkovniki evində ölü tapıldı

11-02-2011, 20:20

Oxunub: 3 997

Onun iki azyaşlı uşağı da xəstəxanaya aparılıb

Bakının Səbail rayonunda dəm qazından boğulma hadisəsi baş verib. Səbail rayon Prokurorluğundan Bolgexeber.com-a verilən məlumata görə, bu gün saat 09.00 radələrində quruma Zərifə Əliyeva küçəsi 23 ünvanında bir nəfərin dəm qazından zəhərlənərək ölməsi barədə məlumat daxil olub. Dərhal əraziyə 39-cu polis bölməsinin və prokurorluğun əməkdaşları yollanaraq ilkin araşdırmalara başlayıblar.

Məlum olub ki, dəm qazından zəhərlənərək ölən Müdafiə Nazirliyinin Təlim Tədris Mərkəzinin şöbə rəisi, polkovnik Aydın Ramiz oğlu Allahverdiyevdir. 44 yaşlı şöbə rəisinin iki azyaşlı övladı 13 yaşlı Ramiz və 12 yaşlı Fatimə isə zəhərlənmə diaqnozu ilə Klniki Tibbi Mərkəzin Toksikologiya şöbəsinə yerləşdiriliblər.

Toksikologiya şöbəsindən Bolgexeber.com-a verilən məlumata görə, uşaqlar xəstəxanaya daxil olarkən orta ağır vəziyyətdə olublar. Hazırda vəziyyətləri yaxşıdır. Sabah evə buraxılacaqları gözlənilir.

Hazırda faktla rayon Prokurorluğunda araşdırma aparılır.

Çox Oxunanlar